比馬客勝「不」容錯過 如要數今日日乙最強戲碼，肯定係京都不死鳥對湘南比馬比賽。不死鳥賽前只落後第6位三神4分，絕對有機趕搭尾班車殺入升班附加賽，戰意唔使懷疑；只可惜，呢支前日職球隊近況非常一般，近7輪正式比賽只贏過草津溫泉，加埋磐瀬剛、杉本大地等主力依舊缺陣，難怪成為冷門。至於比馬雖然喺聯賽榜大幅領前，但近用亦連勝讚岐同水戶更攻入6球，1.8倍客勝好穩陣。（周二18，香港時間周二5:00pm開賽） 另一關揀咗FC愛媛主場對千葉市原。市原目前只落後三神兩分，分分鐘贏一場已可反超前，再睇佢哋日前贏咗FC岐阜士氣大振，聯賽近6戰僅1勝，又冇嘢可爭嘅愛媛隨時會讓路，客勝又係值捧。（周二9，香港時間周二1:00pm開賽）