捧巴塞继续赢“马”

捧巴塞继续赢“马”

今日继续介绍西甲系列，寻日撑皇马，今日当然推巴塞，话晒联赛四战全胜，盘路又杀个满堂红，正所谓有风跟风，唔跟输到穷。虽然今仗对手马拉加亦有一定战力，但过往对住巴塞好似鬼见愁，打亲都冇运行，最近十四次交手，马拉加不单只未赢过，仲输足十三场，唔通一听到巴塞个名就脚软？谂谂吓真係唔多睇好马拉加可以破到宿命赢返场，初盘巴塞罗拿硬让球半，一係唔博，要博就捧巴塞赢波又赢盘。

曾经意气风发嘅马拉加因为财政问题，人脚一季比一季弱，今季只有辛达告鲁斯、韦列顿及甘马曹三位较有名气球员继续留低，而新入货嘅球员质素一般，整体实力比起上季并未太大加强，与巴塞仍有一定差距。巴塞上场又轻轻鬆鬆数对手五粒，四场联赛攻入十一球，平均每场入两球以上，而且球队至今仲保持零失球，证明“阿头”安历基同样着重于防守。今仗巴塞应该冇得输，问题係能否赢到两球或以上，不过，美斯与尼马咁有态，有信心波盘全收。

推介：巴塞罗那 2:0