佐加頓斯下盤奪「堡」 今季瑞超二、三位兩個來季歐霸席位爭得好緊要，其中三哥哥登堡目前同AIK蘇納同分，緊隨其後赫根同佐加頓斯亦步步進迫，所以哥軍今晚對佐加頓斯絕對係6分波。賽績上，兩隊波都係近7戰6勝，但所贏對手其實都唔算強，邊度高啲真係好難估；不過咁，佐加頓斯自2013年起，4次對住哥登堡得1勝3和全數保持不敗，今受讓半、一反而信得過。（周一8，香港時間周二1:05am開賽） 至於加費萊同奧雷布洛之戰就關乎護級；加費萊同諾高平同分，領先科根堡亦唔多，主場對住冇嘢好爭嘅奧雷布洛可以話冇失分空間，好在佢哋主場起碼識贏米贊比同赫根等對手，平盤坐走望贏。（周一7，香港時間周二1:00am開賽）