車仔上盤「士」日精選

車仔上盤「士」日精選
 

歐聯G組賽事，葡萄牙士砵亭會喺主場面對近況相當好嘅車路士，睇怕都要乖乖哋交出3分，事關藍戰士首輪分組賽已經意外失分，是役不容再失，作客讓半球、一球捧上盤係「士」日精選。（周二9，有線61及201台周三2:45am直播）

士砵亭近5場比賽僅嘗1勝，上周葡超喺大好形勢下被波圖迫和1:1，相信唔多唔少都會影響球員士氣，今屆由曼聯回巢嘅拿尼雖然好幫得手，可惜佢喺英超效力多年，路數已經俾車路士眾星睇透，單天保至尊做唔到幾多嘢，主場都搏唔過。

車路士上場英超以3:0大勝阿士東維拉，又一次幫捧場客贏波贏盤，鑑於佢哋喺首輪分組賽大意地俾史浩克迫和，嚟到第二輪真係不容有失，預期夏薩特、法比加斯同埋迪亞高哥斯達等球星會施展渾身解數，讓半球、一球上盤可去馬。

史浩克讓主「博」得過

同組史浩克04主場對馬里博爾亦值得睇好，事關史浩克已經逐步重回正軌，近兩場德甲連勝雲達不來梅同埋多蒙特已經係最佳證明，加上喺聯賽坐波監嘅達斯拿會復出，嚟自斯洛文尼亞嘅馬里博爾有排捱，史浩克1.74倍「讓主」絕對「博」得過。（周二8，有線18台周三2:45am直播）
最後F組塞浦路斯尼科西亞主場對荷蘭阿積士就有冷味，畢竟阿積士今屆星散，已經冇過往咁有霸氣，尼科西亞上輪分組賽對巴塞隆拿都係僅負一球，番主場無懼任何對手進襲，只係嫌下盤回報太少，所以直接揀個2.85倍嘅主Win，相信會有意想不到嘅收穫。（周二6，香港時間周三2:45am開賽）