比錫達斯受讓「刺」福

比錫達斯受讓「刺」福 

歐霸今晚咁多場波，英超球隊出場往往成為投注重心，當中熱刺主場對比錫達斯一戰，都可以話係實力幾接近嘅一場，要小心熱刺喺一連兩場歐霸及英聯盃賽事，都未有派遣最強陣容出戰，睇怕領隊普捷天奴都唔係太在意歐霸，呢場遇正有戰意嘅比錫達斯未必贏到，冷吼「讓客」。（周21，有線61及201台周五3:05am直播）

首先，呢場波捧比錫達斯並唔係刻意鬥氣，睇番熱刺喺過去嘅歐霸附加賽，以及分組賽首輪賽事，佢哋只係派出一支B隊陣容，當中聯賽冇正選打嘅法斯奧、賓戴維斯、艾朗連儂、保連奴以及蘇達度等全部會喺盃賽出場，雖然聽落呢班兵都係星級，但連埋今晚呢一戰，呢班副選就只係夾咗4場波咁多，你話有默契點令人信服，所以首輪作客連柏迪遜都贏唔到，絕對唔令人意外。
當然返到主場作賽，熱刺或多或少都有戰意搶3分，排陣上可能都有幾個常規主力在陣，但問題係熱刺近況都唔見得有幾好，對上6場賽事，佢哋只係喺駢賽盃贏過一場咁大把，聯賽已4戰不勝，有睇過佢哋發揮唔算太差，反而係個別球員腳風唔多順致成績下滑，今晚對手比錫達斯畢竟係有實力嘅球隊，熱刺都好難借對手反底。

預料熱刺排副選上陣

比錫達斯今季喺歐洲賽籤運都幾差，首先佢哋喺歐聯附加賽面對阿仙奴，係人都知喺附加賽同兵工廠爭出線難過爭冠軍，咁輸咗跌落歐霸啦，又要對另一支北倫敦球會熱刺，不過佢哋有過對阿仙奴經驗，再次作客倫敦肯定比上次更適應，而且球隊陣中有丹巴巴亞等球星在陣，此子早前差啲憑一己之力搞掂阿仙奴，呢場熱刺嚴格講更易食，信客隊可在熱刺身上取得入球下，主隊出副選又唔似可大開殺戒，呢場似係各一言和，買受讓嘅客隊着數。