莫斯科戴拿模和波瓜「芬」 成晚歐霸賽事大部份都喺凌晨一點或三點開波，唯獨呢一場莫斯科戴拿模對燕豪芬嘅賽事提早11點開場；莫斯科戴拿模連續兩場不勝，但上場係對古賓似乎有啲刻意留力；燕豪芬上場爆冷不敵海倫芬，但球隊今季復甦相當明顯，上場失利似乎只係偶一為之，呢場波雙方實力未必如賠率反映般有大差距，冷吼一注和局最合適。（周四3，有線64及203台周四11:00pm直播） 燕豪芬開季以來有能力作客擊敗阿積士，已反映球隊今季實力必優於上季，而事實上，高古帶領呢班波平均年後僅為20歲左右，球隊表現有少許不穩定實屬正常，睇番佢哋早前不敵施禾利後，隨即在歐霸擊敗艾斯杜尼更連贏3場，明顯高古有能力希領球隊迅速反底，相對上莫斯科戴拿模今季多場勝仗稍欠說服力，呢場肯定讓唔起燕豪芬。