希爾星堡讓主去「馬」 今晚直播比賽唔多，想早啲收錢瞓覺都係搵啲早波買吓就算；當中瑞超挪超都有賽事，瑞超方面有傳統勁旅希爾星堡出場，希堡季初未上力失分太多，搞到依家都冇得追，但近4戰3勝1和，和波都係打和榜首馬模就知佢哋根本有爭標實力，卡爾馬近5戰輸4場，睇怕今戰會俾主隊大炒。（周五4，香港時間周六1:00am開賽） 挪超方面則由利尼史特朗主場對洛辛堡，兩隊賽前只有5分之差，雖然大家都已冇機會後上爭聯賽冠軍，但如最後得第3名可以參加下屆歐霸，所以呢場都係6分波之爭，而近況上利尼史特朗睇落差啲，但留意佢哋主場正值3連勝，洛辛堡近5戰贏4場又係大勇，勝負難料買入球大更穩。（周五5，香港時間周六1:00am開賽）