波爾多上盤唔「蘭」開 幾個一線聯賽都有場獨腳戲喺今晚上演，當中法甲有波爾多出場；波爾多今季由前拜仁法國右閘沙洛爾執教，開季至今竟然只輸1場，而且當中擊敗摩納哥迫和聖伊天等上屆前列份子，更證明實力不簡單；蘭斯連輸兩場，季內兩場勝仗都只係擊敗下游份子，應冇辦法對波爾多構成威脅。（周五26，香港時間周六2:30am開賽） 荷甲方面則有維迪斯主場對住海牙；維迪斯上屆一度以為有機會可以挑戰歐聯席位，最終咩都冇全因季尾大跌Watt，而今季佢哋開季都唔順，戰至9月先終於打開勝利之門，不過佢哋贏咗精英隊之後已4場不敗，個勢又有啲似上季最銳時；海牙實力要留喺甲組都有問題，呢場主隊穩勝。（周五6，香港時間周六2:00am開賽）