奧咸讓和「士」日重心 呢個星期二全數都係英錦標，老實講真係唔一定係甲組波贏硬低組別球隊架，所以反而一啲同級對碰有績可尋之下反而會仲易買啲，當中奧咸主場對班士利為全甲組對碰，奧咸已經8場不敗，主場更先後贏到費列活特同埋斯肯索普；相反班士利今季升上甲組之後似乎有啲力不從心，近6戰僅得1勝，呢場有啲實力分野主隊稍稍秤先。（周二4，香港時間周三2:30am開賽） 另一場杜根咸主場對奧連特賽事，乙組嘅杜根咸雖然喺乙組排19位，但近3戰勝和負各一似乎表已開始有啲起色，至於奧連特3連敗又要作客，本來已經冇必勝把握，而且現階段心態上隨時心繫聯賽被迫放棄盃仔，呢場主隊受讓可以博一鋪。（周二3，香港時間周三2:30am開賽）