亞冠：山東川崎大騷賀新春_東方日報

亞冠盃16強首回合好戲碼，FC山東先於主場迎戰川崎前鋒（圖）。FC山東前鋒基利辛領先亞冠神射手榜，而且休季期間喺韓職簽入2名中前場球員，進攻能力大增，前鋒近7場亞冠贏6場，佢哋踢法開放，近4場亞冠全開4球或以上，3.5球入球大玩得過。（HOY TV 76台周二晚上6時直播）

FC山東分組賽鬥得難分難解，同橫濱水手及仁川聯同樣4勝2負得12分，最終計晒對賽同得失球，FC山東排次席出線。6場分組賽射入14球，其中9球於主場取得，當中射手基利辛入6球，與艾納斯中場塔利斯卡並列神射手榜首。

山東前場增兵火力更猛
FC山東有費蘭尼及摩西斯離隊，於中超休季期間補添實力，從蔚山HD（前譯蔚山現代）購入進攻中場卡沙舒韋利，亦從另一支韓職球隊浦項制鐵收購前鋒辛卡，進一步增添前場實力，相信佢哋會把握主場之利，盡量爭取入波。

川崎前鋒雖然日職表現麻麻，但亞冠分組賽獲5勝1和，6戰入17球仲多過FC山東，期間曾經5球大炒柔佛DT，絕對唔錫力，佢哋近4場亞冠總入球全開4球或以上，今場肯定會同FC山東鬥攻，3.5球嘅入球大放心捧。