英超車路士主場迎戰利物浦，「車仔」仍然需要為爭入歐聯而努力，相反「利記」提早4輪奪冠，相信決心未必夠「車仔」強，「利記」大有機會輕裝上陣。文:謝德謙 三叉戟全力數胡 車路士近況理想，喺聯賽連歐協聯豪取3連勝，上輪聯賽以1比0小勝愛華頓，上周中歐協聯4強首回合以4比1大勝佐加頓斯，雖然仲有次回合要應付，但以「車仔」人腳兼領先三球之下，相信大可放心入決賽。主帥馬利斯卡今場必定重用「三叉戟」尼高拉斯積遜、柏度尼圖及馬度基去威脅「紅軍」大門，就算王牌高爾彭馬近期陷入入球荒，不過佢始終係有質素球員，必定可為「車仔」帶來貢獻。 利物浦經過漫長的球季，加上受到奪冠氣氛影響，即使主帥施洛想贏波都唔容易。「車仔」近期主場成績優異，相信今場「利記」大有機會失分而回。