日職：不死鳥防線穿窿大件事_東方日報

星期三日職賽事，兩支近況麻麻喺球隊正面交鋒，由町田澤維亞主場鬥京都不死鳥。町田澤維亞近5場聯賽4敗，而京都不死鳥就連輸2場，為盡快止血重返勝軌，今場都想趁對方病攞埋佢命，預計會主動搶攻爭勝，2.5球入球大值得捧場。（無線myTV Super周三晚6時直播）文:工廠仔

町田澤維亞近戰多失波
町田澤維亞開季一輪強勢衝刺後，近期打回原形，對上5仗4次輸波，而且連續6場聯賽都有失波，防守畀唔到人信心。町田澤維亞有吳世勛、藤尾翔太同相馬勇紀掛帥，進攻能力唔算太差，今仗主場有決心要搶3分，相信可以施展到一定壓力。

京都不死鳥上場領先2球下，2比3反輸大阪櫻花，防線問題可能比町田澤維亞更嚴重，佢哋可以排喺前列，靠嘅係進攻能力突出，就算作客亦會貫徹主攻踢法，佢哋近5場聯賽作客，總入球全開3球或以上，預料兩隊將會駁火，2.5球入球大抵玩。