智甲：智大夠搶韁半W有利可圖_東方日報

周六清晨有場智甲賽事，利馬切對智利大學。利馬切係升班球隊，實力未夠班，上到智甲輸多贏少，相反智利大學狀態大勇，今場贏面高，佢哋近4場聯賽全勝之餘，其中3次都喺上半場領先，今場客W唔算好分，博更好分頭建議揀半場客勝。

（周六清晨5時57分開賽）文:邪神

利馬切成立時間好短，2012年創會至今只係12年，4年前仲踢緊第4級別賽事，今季升上智甲明顯唔夠砌，開季11場聯賽輸7場，合共失19球，防線非常脆弱，雖然佢哋早前曾經喺聯賽同盃賽連續兩次擊敗老牌球會高路高路，但要留意悉高路高路近況奇差，聯賽、智利盃、自由盃3線失利，近期對邊隊都冇運行，利馬切贏到佢哋亦唔代表好醒。

利馬切未夠班踢甲組
智利大學係上季亞軍，今季繼續居於前列，就算要分心自由盃，近期仍然有平穩表現，近11場8勝2和僅1敗，所輸1場係自由盃輸畀學生隊，但唔影響佢哋聯賽表現，球隊近4場聯賽贏晒，近期表現更係醒神，分別喺自由盃大炒卡拉保保4蛋，同埋聯賽大勝爭標對手之一嘅侯治柏度5比1，今場對住升班嘅利馬切，相信贏波問題不大，留意到智利大學踢法搶韁，近期經常半場領先，半場客勝放心捧場。