英超：紐卡素目標明確速食拖肥_東方日報

4哥紐卡素今晚迎戰無欲無求嘅愛華頓。「喜鵲」目標明確，贏波就好大機會保住前5，何況佢哋今晚主場謝幕，梗係想速戰速決，晨早入波派定心丸氹粉絲，半場主勝捧得過。（Now 623周日晚11時直播）文:法達斯維

伊沙克復出添火力
紐卡素上輪輸畀阿仙奴，依家同「車仔」及維拉同分，僅領先第7位森林1分，睇落形勢嚴峻，但由於「車仔」同森林正面交鋒，必有一隊失分，而且「喜鵲」得失球差係「+22」，比其餘3隊優勝，即係話佢哋只要今晚贏波，前5基本穩陣，仍然掌握主動權，仲有上場因傷缺陣嘅王牌阿歷山大伊沙克復出，火力倍增，加上「喜鵲」主場演出特醒，近7次聯賽主場6勝之餘，其中6次上半場就領先對手，擅於先發制人。

「拖肥糖」自莫耶斯回巢後，瘋狂搶分提早上岸，上仗主場贈修咸頓兩蛋，用贏波告別沿用咗133年嘅葛迪遜公園球場，既然達成所有目標，無謂阻人發達。佢哋近4次作客3次先失波，遇上搶韁嘅「喜鵲」，隨時半場都頂唔住。