韓職：地頭龍全北汽車猛火燎原_東方日報

周中韓職快車，榜首嘅全北汽車迎戰FC水原。「一哥」全北汽車弗爆，近13輪聯賽獲10勝3和，包括近5場有4次贏2球或上，FC水原近況沉到爆，尤其聯賽作客戰績更加得人驚，開咧至今未贏過，今場頂唔住全北汽車，推介讓球主勝（-1）。（無綫myTV SUPER周二下午6時30分直播）文:渡邊年

全北汽車上季差啲降班，今季開局都唔算靚仔，頭5輪只得1勝2和2負，好彩之後重回正軌，自3月尾作客擊敗FC安養之後，聯賽豪取10勝3和，包括近3戰全勝，狀態大勇。

球隊近期火力回升，18戰入30球冠絕韓職，而且只失12球亦係聯賽失球最少，中場全晉旴創造12個入球及多次助攻，獨力擔起半邊天，近期更獲得葡超、比甲及波蘭球隊睇中，有機會去歐洲落班，今場肯定會喺弱旅身上大顯身手。

水原防線錯漏百出
FC水原現時排尾二，自知實力難同全北汽車對抗，肯定會加強防守盡量減少失球數字，但問題係球隊防線真係錯漏百出，近4輪聯賽2和2負之餘，仲場場有失波，今場作客又點頂得住大勇嘅全北汽車。全北近5場有4次贏對手2球或以上，今場主勝可作過關膽，但分頭較高嘅讓球主勝（-1）就更加吸引，值得捧場。