維拉防線差等炒

維拉防線差等炒

曼城聯賽爆大冷一比三不敵升班馬修咸頓後，“文蛇”大發雷霆，好彩班球員大打爭氣波，上場翻“車”成功，兩球力挫車仔，總算保持些微爭標希望，今晚對住護級分子維拉，三分志在必得。排尾三的維拉形勢相當險峻，每場比賽都不容有失，弊在攻力不足，防線更弱不禁風，對住火力強勁的曼城，就算主場亦難以發圍。初盤曼城讓一球／球半，睇好曼城作客炒起對手。

維拉有尼索比亞、艾邦拉荷及艾亞馬迪三大主力復出，可以加強中前場威力，惜防守係最大缺憾，聯賽共失五十二球，稍好於失五十四球的雷丁，防守能力差到不得了，中路兩大守將鄧尼與列特繼續養傷，令防線更為薄弱，對住靈活的D施華、阿古路及迪維斯，肯定風聲鶴唳，以攻代守更加死路一條。另外主場戰績係三勝四和六負，毫無優勢可言，要爆冷真係談何容易。經過對修威頓教訓，今仗對住實力較弱球隊肯定有所警惕，只要一衆主力踢出對車仔水準，要贏到開巷唔難。

推介：曼城勝三比一