韓職：蔚山水原鬥攻大解放_東方日報

韓職蔚山ＨＤ對ＦＣ水原，衞冕嘅蔚山ＨＤ踢完世冠盃散晒，返南韓之後只得2和3負，球隊最大問題係重攻輕守，前面入埋唔夠後面輸，ＦＣ水原愈踢愈有，經過3連敗後連贏3場，不過佢哋同樣入得又失得，近6場全開3球或以上，2.5球入球大穩陣。（無綫myTV SUPER周六晚6時直播）文:渡邊

蔚山ＨＤ唔知係咪世冠盃3連敗輸到慌晒，出現「世冠盃後遺症」，連同出發去美國前一場聯賽，前前後後各項賽事連續10場未贏過，只得3和7負，本來上場對ＦＣ江原都好哋哋，點知領先兩球下都被逼和2比2。蔚山ＨＤ最大問題係太重攻輕守，已經連續12場未能保持清白之身，預料今場都會保持有前無後踢法，繼續以攻代守。

兩隊踢法有前冇後
ＦＣ水原季初發揮唔掂，早前更經歷3連敗，不過踏入7月成隊波突然醒晒，聯賽3連勝兼入9球，但佢哋防守始終有一定漏洞，近6場都有失波，而且全部開3球或以上，包括近兩場半場已經領先對手2比1，今場鬥蔚山ＨＤ，隨時再演入球騷，2.5球大有機會未夠半場已經收錢。