英超：晏菲路魔咒唔易破_東方日報

今輪英超重頭戲，利物浦主場迎戰曼聯，雙紅各有目標，「紅軍」急求止敗，「紅魔」力圖破9年作客不勝魔咒。經過國際賽期後，今晚兩隊將於晏菲路正面交鋒。雙方近期狀態皆起伏不定，這場「雙紅會」又豈能錯過。文:謝德謙

紅魔要抓緊反擊機會
利物浦近況低迷，接連不敵水晶宮、加拉塔沙雷與車路士，領隊施洛面臨上任後最大考驗。好消息係中場賴恩格雲貝治與後衞伊巴希馬干拿迪傷愈復出，但主力門將艾利臣比加因腿筋受傷缺陣。施洛坦言球隊防線漏洞太多，必須改善失球問題。

曼聯喺領隊魯賓艾摩廉帶領下逐漸回穩，不過作客表現堪憂。曼聯已長達9年未喺晏菲路取勝。般奴費南迪斯因國際賽疲勞缺席部分訓練，後防核心利辛度馬天尼斯仍在養傷。

雙方焦點除延續百年宿敵嘅恩怨外，亦關乎賽季走勢。利物浦希望重拾爭冠步伐，曼聯則力求穩定性。利物浦於過去10場英超與曼聯嘅交鋒中，取得5勝4和1負，加上「紅軍」憑主場優勢略佔上風，不過若曼聯能抓住反擊機會，或有機會打破客場魔咒。